Kushtet e përgjithshme për blerje në rrugë elektronike

1. ZBATIMI I KUSHTEVE TË PËRGJITHSHME

· Këto kushte të përgjithshme për blerje në rrugë elektronike (“Kushtet e Përgjithshme”) rregullojnë të gjitha marrëdhëniet ndërmjet shoqërisë Toner&Toner me numër unik identifikimi (NIPT) IT 06726280727 , me seli në adresën: Njesia Bashkiake nr.7, Rruga Muhamet Gjollesha, Qendra Tregtare Ring, Shkalla 2, Kati 6 Tirane (“Toner&Toner” ose “Ne”), dhe klientëve që dëshirojnë të kryejnë porosi nëpërmjet faqes së internetit www.tonerandtoner.al (“Klientët” ose “Ju”).

· Duke kryer porosi dhe duke bërë blerje në rrugë elektronike nëpërmjet faqes së internetit www.tonerandtoner.al, ju pranoni pa asnjë rezervë të gjitha Kushtet e Përgjithshme.

· Këto Kushte të Përgjithshme zbatohen për të gjitha shitjet nëpërmjet faqes së internetit të Toner&Toner, qoftë nëse produktet dorëzohen në adresën e përcaktuar nga Klienti, qoftë nëse ato tërhiqen pranë një pike shitjeje Toner&Toner Point.

· Toner&Toner rezervon të drejtën të ndryshojë dhe përditësojë Kushtet e Pergjithshme në çdo moment. Kushtet e Pergjithshme të ndryshuara/përditësuara do të publikohen KËTU. Këto ndryshime/përditësime nuk do të zbatohen për porosi të kryera para datës së publikimit.

· Toner&Toner nuk mban përgjegjësi për viruset kompjuterike që mund të ketë faqja e internetit. Klienti merr përsipër të përdorë pajisjet dhe programet e duhura për t’u mbrojtur nga sulme të jashtme (viruse, site të ndryshme etj.) për të kryer blerje në mënyrë elektronike.

· Toner&Toner mund të përfundojë ofrimin e blerjeve në rrugë elektronike ose aksesin tuaj në faqen e saj, për shkak të shkeljes së këtyre Kushteve dhe Afateve nga ana juaj, ose për çfarëdo arsye.

2. PRODUKTET

· Klientët informohen në lidhje me karakteristikat kryesore të produkteve në faqet përshkruese të vetë produktit. Megjithatë, Klientët kanë detyrimin të njihen me mënyrën e përdorimit apo çdo informacion tjetër që shoqëron produktet e dorëzuara ose të vendosur mbi produktin ose mbi ambalazhin e tij, të tilla si udhëzimet e përdorimit.

· Interneti ofron një përvojë të ndryshme blerjeje nga blerja në dyqan. Klienti duhet të jetë në dijeni për ngjyrat e produkteve, përmasat dhe format e çdo produkti. Fotografitë që ilustrojnë produktet, në mbështetje të tekstit, nuk përfshihen në marrëdhënien kontraktore ndërmjet Toner&Toner dhe Klientit. Toner&Toner nuk mban asnjë përgjegjësi në rast të ndonjë gabimi në ilustrimin e produktit.

· Toner&Toner garanton disponueshmërinë e çdo produkti të publikuar në faqen e internetit. Disponueshmëria e produkteve i korrespondon disponueshmërisë reale në magazinë. Sigla “i disponueshëm” i korrespondon produkteve të gatshme për dërgesë brenda 7 ditësh. Produktet me siglën “të padisponueshëm” mund të blihen dhe të dërgohen brenda 21 ditësh. Në rast vonese të mëtejshme Toner&Toner rimburson shumën e paguar në paradhënie.

3. KRYERJA E POROSISË

· Për të kryer blerje në rrugë elektronike, Klienti duhet të jetë mbi moshën 18 vjeç dhe me zotësi të plotë për të vepruar.

· Klienti kryen porosinë nëpërmjet procedurës së përshkruar në faqen e internetit dhe konfirmon përmbledhjen e detajuar të porosisë, e cila përmban të dhëna mbi produktin e porositur, çmimin total të produktit, i cili përshin edhe koston e dorëzimit të produktit.

· Për kryerjen e porosisë, Klienti detyrohet të japë të dhëna të vërteta dhe të sakta, të detyrueshme për identifikimin e tij.

· Gjatë kryerjes së porosisë së parë dhe/ose gjatë regjistrimit të tij në faqen e internetit të Toner&Toner Klienti duhet të japë emrin, mbiemrin, adresën e tij elektronike, si dhe fjalëkalimin e tij.

· Fjalëkalimi është personal dhe duhet të ruhet sekret nga Klienti.

· Për çdo vizitë në faqen e internetit, Klienti do të ketë akses në të dhënat e tij personale në hapësirën e Klientit, ose në rast se do të kryejë një porosi, Klienti duhet të identifikohet paraprakisht nëpërmjet emrit të përdoruesit dhe fjalëkalimit, duke patur parasysh se fjalëkalimi nuk shërben për kryerjen e pagesave.

· Informacionet e regjistruara nga sistemi i Toner&Toner shërbejnë si provë të komunikimeve, porosive dhe pagesave të kryera ndërmjet Toner&Toner dhe Klientëve. Verifikimi i të dhënave të Klientit dhe dhënia prej tij e numrit të kartës bankare përbëjnë nënshkrim dhe pranim të shprehur të të gjitha transaksioneve të kryera në faqen e internetit të Toner&Toner.

· Toner&Toner nuk mban përgjegjësi për mosfunksionimin e faqes së internetit, që mund të vonojë ose të mos lejojë kryerjen e porosive në rrugë elektronike, për shkak të ngjarjeve përtej kontrollit të arsyeshëm të Toner&Toner, të tilla si ngjarje të forcës madhore.

4. ÇMIMI

· Çmimet e përcaktura në faqen e internetit të Toner&Toner janë çmimet neto pa TVSH. Çmimet e përcaktura për produktet nuk përfshijnë kostot e dërgimit që janë në përgjegjësinë e Klientit që zgjedh dorëzimin e produkteve në adresën e përcaktuar prej tij.

· Në rast gabimi në shkrim në lidhje me çmimet, fotot, përshkrimet, kodet apo gjithçka tjetër lidhur me një apo disa produkte, Toner&Toner do t’ia njoftojë gabimin Klientit, do të anullojë porosinë e produktit apo produkteve përkatëse dhe do të rimbursojë shumën e paguar në paradhënie.

· Toner&Toner ka të drejtë të ndryshojë çmimet në çdo kohë.

· Për çdo dërgesë krijohet fatura ose kuponi përkatës të cilët shërbejnë, në rast se aplikohet, si garanci blerjeje dhe do të dërgohen së bashku me mallin e porositur.

5. KOSTOT E DËRGIMIT

· Kostot e dërgimit dhe mënyrat e dërgimit janë të përshkruara në faqen e internetit në momentin e blerjes. Në rast gabimi (adresa, çmimi, pesha, etc) porosia do të anullohet.

· Kostoja e dërgesës është e njëjtë dhe nuk varet nga pesha, sasia e destinacioni.

· Kostot e dërgimit të produkteve përcaktohen gjatë kryerjes së porosisë në faqen e internetit të Toner&Toner.

6. KONFIRMIMI I POROSISË

· Pas kryerjes së porosisë, Toner&Toner i konfirmon klientit marrjen e porosisë nëpërmjet caktimit të numrit të porosisë. Klienti do të marrë një email, i cili konfirmon blerjen në rrugë elektronike dhe përmban informacionin mbi produktin, sasinë, çmimin dhe numrin e porosisë, mënyrat e pagesës dhe të dërgimit.

· Porosia e Klientit do të konsiderohet e pranuar vetëm pas konfirmimit të saj nga Toner&Toner.

· Në rast nevoje të preventivëve të personalizuar ose të produkteve të veçanta jashtë katalogut mund të drejtoheni tek faqja KONTAKTO, ose të shkruani në adresën e-mail: vilma-yzo@tonerandtoner.al

· Porosia e Klientit mund të anullohet nga Toner&Toner për çdo arsye, veçanërisht në rast mungese të informacionit të detyrueshëm për dërgesën e porosisë. Toner&Toner informon Klientin përkatësisht.

7. KRYERJA E PAGESËS

· Çmimi i produkteve dhe kostot e dërgimit do të paguhen nga Klienti në momentin e kryerjes së porosisë në rrugë elektronike.

· Klienti mund të kryejë pagesën me:

Gjithe Kartat e kreditit të pranuara nga Paypal

PayPal

Pagesë në paradhënie në llogarinë bankare

· Në rast se Toner&Toner gjendet në pamundësi për të përmbushur një pjesë të porosisë së Klientit, pagesës së Klientit do t’i zbritet çmimi i produkteve të padërguara dhe kostot përkatëse të dërgimit.

8. ANULLIMI I POROSISË

· Klienti ka të drejtë të anullojë porosinë e tij deri në momentin e dërgimit. Më pas aplikohet e drejta e heqjes dorë nga kontrata - kthimi i produkteve shpjeguar në Piken 9. Anullimi i porosisë nga ana e Klientit mund të kryhet duke shkruar në adresën e-mail: vilma-yzo@tonerandtoner.al

9. HEQJA DORË NGA KONTRATA – KTHIM I PRODUKTEVE

· Në zbatim të Nenit 37 te Ligjit 9902, datë 17.04.2008 “Për Mbrojtjen e Konsumatorëve”, Klienti ka të drejtë të heqë dorë nga kontrata pa penalizim dhe pa dhënë arsye, brenda nje afati prej 14 ditësh kalendarike nga data e dorëzimit të produkteve të porositura.

· Produkti duhet të kthehet në adresën e përcaktuar nga Toner&Toner, me paketimin dhe ambalazhimin e tij, të mos jetë përdorur dhe të shoqërohet me të gjithë aksesorët, udhëzimet e përdorimit, dokumentat që vërtetojnë blerjen në rrugë elektronike.

· Produktet e kthyera të mangëta, të dëmtuara, të përdorura ose të ndotura nuk mund të pranohen nga Toner&Toner.

· Klientit do t’i rimbursohet çmimi i produktit. Kostot e kthimit të produktit të kthyer janë në ngarkim të Klientit. Rimbursimi do të kryhet përmes pagesës në llogarinë bankare të klientit.

10. MBROJTJA E PRIVATËSISË

· Toner&Toner disponon mjetet informatike për përpunimin e të dhënave të Klientëve potenciale dhe të blerjeve në rrugë elektronike, dhe në këtë kuadër kryen grumbullimin dhe përpunimin e të dhënave personale, në kuptimin e Ligjit 9887, datë 10.03.2008 “Për Mbrojtjen e të Dhënave Personale”.

· Mbrojtja e privatësisë dhe të dhënave personale janë çështje të një rëndësie të veçantë dhe Toner&Toner është i përkushtuar të zbatojë rigorozisht të gjithë kuadrin ligjor në mbrojtje dhe respektim të tyre, veçanërisht Ligjin 9887, datë 10.03.2008 “Për Mbrojtjen e të Dhënave Personale” si dhe aktet nënligjore përkatëse.

· Qëllimi kryesor i përpunimit të të dhënave personale është sigurimi i dorëzimit të rregullt të porosive të kryera nëpërmjet faqes së internetit të Toner&Toner, përmirësimi i cilësisë së shërbimit, komunikimi i informacioneve në lidhje me porositë e kryera dhe ofertat e Toner&Toner që mund t’i interesojnë Klientit dhe që mund t’i pergjigjen sa më mirë pritshmërive të tij. Toner&Toner merr pëlqimin paraprak të Klientit në lidhje me komunikimin e ofertave promocionale në numrin e telefonit personal të Klientit. Klienti ka të drejtë në çdo kohë dhe pa pagesë të refuzojë komunikimin e ofertave promocionale nga ana e Toner&Toner.

· Të dhënat personale ruhen nga Toner&Toner për përdorimin e shërbimit dhe mund t’i komunikohen partnerëve tregtare të Toner&Toner, vetëm me miratimin paraprak të Klientit. Toner&Toner ruan të drejtën e transferimit të të dhënave vetëm te nënkontraktorët e tij, në përputhje me dispozitat e legjislacionit në fuqi për transferimin e të dhënave personale dhe hyn në marrëdhënie kontraktore me këta nënkontraktorë për sigurimin dhe marrjen e të gjitha masave të sigurisë për mbrojtjen e të dhënave personale dhe ruajtjen e konfidencialitetit të tyre.

· Nëse Klienti mendon ose dyshon se llogaria e tij është në rrezik, Toner&Toner duhet të njoftohet menjëherë.

· Në përputhje me kuadrin ligjor, Klienti ka të drejtën e aksesit, korrigjimit, fshirjes të të dhënave të tij personale ose kundërshtimit të përpunimit të tyre. Klienti mund të ushtrojë këto të drejta në çdo kohë duke iu drejtuar Toner&Toner me shkrim në adresën: Njesia Bashkiake nr.7, Rruga Muhamet Gjollesha, Qendra Tregtare Ring, Shkalla 2, Kati 6 Tirane ose me e-mail: vilma-yzo@tonerandtoner.al

11. SHËRBIMI I KLIENTIT

· Per cdo dyshim, medyshje, nevoje kontaktoni ne adresen e-mail: vilma-yzo@tonerandtoner.al

12. TË DREJTAT E PRONËSISË INTELEKTUALE

· Markat e cituara i përkasin pronarëve të tyre. Fotot dhe imazhet përdoren me qëllim ilustrues. Marka Toner&Toner është një markë e rregjistruar.

13. LIGJI I ZBATUESHEM DHE JURIDIKSIONI

· Këto Kushte të Përgjithshme rregullohen dhe interpretohen në përputhje me legjislacionin e Republikës së Shqipërisë.

· Mosmarrëveshjet ndërmjet Toner&Toner dhe Klientit në lidhje me zbatimin e këtyre Kushteve të Përgjithshme, do të zgjidhjen nga Gjykata e Rrethit Gjyqësor Tiranë.

Vazhdoni

Shporta e blerjeve

Kushtet e përgjithshme për blerje në rrugë elektronike